大家等左咁耐, 小b於31/1/07與大家見面了!
恰巧當日三個女兒唔使返學,但就要送Melody返學校參加舞蹈比賽...其實當時已經見紅, 心想:小b可能想早d同大家見面,之後開始陣痛...於是送左個女返學校後,立即致電給老公返來照顧女兒...同埋返家拿行李入院...到達醫院時已經十點幾了! 辦好晒入院手續之後, 我入到A7病房經檢查後,姑娘話現在可以入產房,咁快?原來已經開左3度,而且是第四胎,過程會特別快!於是立即換上病人衫褲, 就推入產房等生bb! 至於我的心情就無上幾次生bb時咁緊張喇!
入到待產房後,我陣痛反而沒上三胎咁厲害,只是五至十分鐘一次,大約痛左兩三次,己經開至6度,姑娘便幫我穿羊水,子宫立即開到8度!!!同時,其他醫護也到達了...他們叫我嘗試不剪會陰傷口,再待有信心叫他們接生,我大約痛多兩次左右,便有急的感覺,於是他們預備工具接生,很快地用力兩次,小b便出來了,那時差不多到中午十二時...她的出世讓我感到很輕鬆,有種很喜樂的感覺...之後待了一會,姑娘抱bb比我睇, 問我bb係男仔定女仔? 我答佢係女仔架! 姑娘仲叫我錫bb一啖添! 過了一會,姑娘再抱小b過來,開始用母乳餵小b,當時氣氛很溫馨...小b吃完奶後,想著何時會返回病房...怎料姑娘說,現在午飯時間,可以有午飯吃,而且立即推入來給我吃,這是我意想不到的,那一刻很感動,之後用醫院的電話打電話報喜~小b幾輕磅, 只有2.71kg,但比琪琪重磅!
另一件很奇妙的事,今次生小b竟然完全沒有任何外在傷口!我很相信這是恩典的事呢~
沒有留言:
張貼留言