不經不覺,三女兒和她的同學都要面對小一選校...
亦都剛剛交左表...等註冊那一日...
我當然唔使煩,因為她會選回家姐讀果間...她又喜歡間學校...完全沒問題...
但眼見同學的家長為此而煩惱...慨嘆...唉~
我住呢區,他們認為好的學校,來來去去又係果幾間...
咩伊小,官小,天小,循小,潮陽,英業,李宗德...
講真,間學校係啱佢的就話啫...唔啱佢的,做阿爸阿媽一定大叫救命,又要找人求救...
尤其循小,令我感到非常反感,幸好當年大女兒選校時沒揀呢間學校咋...
一來當時有個同學阿怡的阿哥就係度讀,一些不知所謂的老師簡直令人反胃(你話,學生問數學,數學老師可以咁講"你有個咁叻的阿媽,不如問佢啦")...最後個阿怡不升讀哥哥間小學,選了第二間...
二來我有參觀過這間學校, 感到很不自在...
話一條龍學校, 但中小學課程銜接唔到, 小學課程太淺, 上中學好辛苦架...而且我所知,英文的故事教學效果不理想,被教育局劣評...結果近兩三年轉用番書本輔助教學)
之後,二女讀K2時和其他同學被邀請到該校表演,不單沒善待我們家長們,而且安排坐在最後一行,而且分開坐,離譜!還要在場向我們募捐,作學校設施的經費,我們一班表演的家長當然唔肯啦...之後果年,幼稚園的家長幾乎沒人選它,好似得一兩個派到果間學校
當然,我不會叫人唔去果度讀...
若有父母喜歡那兒的活動教學,而小朋友又喜歡,隨他們吧...
若他們問我為何同樣係基督教,為何唔選它,我就會話呢間學校唔啱我幾個女讀...
辦學理念不合我所求的...
我選校有乜準則?
最好近近地,有咩事可以立即接回小朋友,有時又可以送飯去學校(樓下都有三間)
最好與我們相同信仰的(樓下已有兩間)...
小朋友對間學校的感覺最重要~
老師的態度,學校的辦學理念,教學模式,學校風氣...都會考慮在內
就算係咁,我都有略看小一概覽...
原來女兒報讀的學校老師全部有教育文憑和大學學位...
能夠做到的...全元朗區只得三間
