你...離開我們一年了

Edward...

你知道嗎...你離開的一年裏面...我仍然十分掛念你呢

當其他朋友與我分享去某些地方的相片...就會想起你和我們分享行山的相片呢...

當中的對話,仍記在心內...記得你離開之前數天,仍和你談談瑞士森林金色的菇菌...

卻在數天後...得知你遇上暴風雪...在雪山上失去聯絡...之後更得知你的離開...當時很難過呢...

最後見到你的遺體...知道這是最後一面了...很安詳...

現在你應該很開心...與天父一同唱詩敬拜,讀經...


我會好好生活下去...將來在返天家之時...到時與你好好分享我在地上的生活...

Nick越來越多搞作

最近...Nick開始越來越多搞作

昨日...企係度用把扇插向直立風扇...弄得"框框"聲...
佢越來越聰明...話佢...佢重係度笑...

今日又一傑作...開細櫃桶...把裏面的東西攞出來...制止佢...又係度笑

經常玩紙巾,撕開再放入他的玩具筒上...自得其樂...

可以企係度很久...攰時自動慢慢轉姿勢坐下來

我真的這麼深入家長們心麼?

最近與某家長傾談...
她告訴我到現在仍以為我仍然是PTA主席...
(不只她...其實很多家長都似為係...)
我告訴她...己換屆...我已卸任差不多一年了...
連之後中途換了主席我都知...

問她...今年的活動有沒有參加過,
她說有...但有一點不滿...出通告遲,通知也跚跚來遲...
呢一點我都覺得...雖然我不在其位...
但仍然係會員之一也會留意到一些...
為何搞到不像樣呀...
看來我要找他們反映一下先得la~

我想追回所有10-11年間的post

有些東西好想記低佢...於是有追post 的衝動...
不過幾時先至可以補回所有post...我答...唔知呢...

Mercy & Miriam的表演

很久沒看到mercy的表演...今個暑假...miss終於得閒帶她們表演啦...

表演1:婦女會的賣物會

表演2:色彩人生在元朗開幕禮

幫得到就幫啦

近兩個月,
健康院的姑娘分別打了兩次電話來
叫我返去幫手分享餵母乳的心得...
講真呀,心得就沒有,但若她們的疑問我基本上都可以答到佢地的...
能夠幫到準媽媽和新手媽媽...我都好開心架...

上星期參與集體哺乳活動...之後被人訪問...
第一次有咁多部攝錄機和相機對著...感覺好奇怪...
但能夠與100位母嬰一同哺乳...感覺真爽!

見報

昨日出席活動...今日就見報啦   

東方日報---哺乳好處多 BB精靈又健康 

香港母乳育嬰協會昨舉辦第三屆集體餵母乳活動，逾百對母嬰參加

​http://orientaldaily.on.cc/cnt ​/news/20110808/00176_065.html? ​pubdate=20110808 

祂聽我的訴求

我記得以前生細仔之前...我同祂訴求...若這個不是兒子的話,坦白說我唔想生...結果...祂成就了我的心願...

如今我訴說老公不體貼我呢個老婆...
話說Martha生日當日出街吃飯,
其實我同囡囡不想有其他人一起吃飯,偏偏佢就要佢家姐在入來天水圍吃飯..
這一點我已經感到不爽...
加上個女大發脾氣,遲遲才到達...
細仔這時瞓醒,要餵佢,我都沒時間吃東西...
三女又自作主張地攪亂個薯蓉...令到個仔沒得食...
救命...個老公只顧自己同家姐傾計...嬲爆!!!!!!!!!!!!!!!!!!!
我叫他幫我數次都唔應我...
我當時真係唔想回應佢家姐一切的說話....因為每次她答應的事情沒一件做到的...討厭討厭討厭...
重話佢係堅心倚靠主的人...討厭至極!!!!!!!!!!!!!!!!!!!
我唔想佢家姐再煩住我們...哼!

點知昨日.......因為個女走入來廚房令我分心,以致支全新鼓油跌下...
我以為會打碎...點知我隻腳承住左,之後滾下去,支鼓油就咁沒事,
但我隻腳趾公而此受了傷...即時腫了一大舊...
我大叫............................好痛!!!!!!!!!!!!!
但就引起了我老公體貼的回應"沒事嘛...立即用冰敷下先啦"
心情立即冧爆..................佢好少可會係咁體貼架..................